बिरगञ्ज बसपार्कमा सेवा–सुविधा बिना कर वृद्धि गरेको भन्दै विवाद
बिरगञ्ज बसपार्कमा आवश्यक सेवा–सुविधा उपलब्ध नगराई कर करिब ३०० प्रतिशतसम्म बढाइएको भन्दै यातायात व्यवसायी तथा चालकहरूले विरोध जनाएका छन्।
विरोधमा उत्रिएका व्यवसायीहरूले पहिले प्रतिदिन तिर्दै आएको रु. ६० भन्दा बढी कर नतिर्ने अडान लिएका छन्। उनीहरूले पर्याप्त सेवा–सुविधा उपलब्ध गराएपछि मात्र कर वृद्धि स्वीकार्य हुने बताएका छन्।
बसपार्कमा कर वृद्धि सम्बन्धी विवादका कारण केही समय तनावको अवस्था सिर्जना भएको थियो। यस विषयमा सम्बन्धित निकायसँग छलफल गरी उचित समाधान निकाल्न व्यवसायीहरूले माग गरेका छन्।
आफ्नो प्रतिक्रिया दिनुहोस
