रक्सौलबाट २ बोतल DEW ल्याउँदै गरेका शारीरिक रूपमा अपाङ्ग युवामाथि कुटपिट भएको आरोप, छानबिन सुरु
आज दिउँसो करिब १ बजेतिर रक्सौलबाट दुई बोतल DEW पेय पदार्थ लिएर वीरगञ्ज प्रवेश गर्ने क्रममा शारीरिक रूपमा अपाङ्ग एक युवामाथि वीरगञ्ज भन्सार क्षेत्रमा खटिएका सशस्त्र प्रहरीका कर्मचारीले कुटपिट गरेको आरोप लागेको छ।
घटनामा युवाको टाउकोमा चोट लागेको बताइएको छ। पीडित पक्षका अनुसार सामान्य परिमाणमा पेय पदार्थ लिएर आउँदा उनीमाथि कुटपिट भएको हो।
घटनाबारे सशस्त्र प्रहरीका डीएसपीसँग बुझ्दा, घटनाको सीसीटीभी फुटेज हेरेर छानबिन भइरहेको र दोषी देखिने जो–कोही कर्मचारीमाथि कानुनबमोजिम कारबाही गरिने जानकारी दिइएको छ।
घटनाको सत्यतथ्यबारे थप अनुसन्धान भइरहेको छ भने आधिकारिक निष्कर्ष आउन बाँकी रहेको छ।
आफ्नो प्रतिक्रिया दिनुहोस
