वीरगञ्जमा प्रदर्शनका क्रममा तनाव, ९ बुँदे सहमति पत्र जलाउन खोज्दा प्रहरी–प्रदर्शनकारीबीच विव
वीरगञ्जमा पीडित लगानीकर्ताहरूले सरकारसँग भएको ९ बुँदे सहमति पत्रको प्रतिलिपि जलाउने प्रयास गर्दा प्रहरी र प्रदर्शनकारीबीच केहीबेर तनावको अवस्था सिर्जना भएको छ।
प्रदर्शनका क्रममा लगानीकर्ताहरूले उक्त सहमति पत्रप्रति असन्तुष्टि जनाउँदै प्रतिलिपिमा आगो लगाउन खोजेका थिए। प्रहरीले त्यसलाई रोक्ने प्रयास गरेपछि दुवै पक्षबीच सामान्य धकेलाधकेल तथा विवाद भएको प्रत्यक्षदर्शीहरूले बताएका छन्।
प्रदर्शनकारीहरूले ९ बुँदे सहमति आफूहरूको माग सम्बोधन गर्न पर्याप्त नभएको दाबी गर्दै सरकारले पीडितहरूको समस्या यथाशीघ्र समाधान गर्नुपर्ने माग गरेका छन्। घटनास्थितिलाई प्रहरीले नियन्त्रणमा लिएपछि अवस्था सामान्य बनेको बताइएको छ ।
आफ्नो प्रतिक्रिया दिनुहोस
